#滿月前夕的大事 #長文
上星期一，細佬有好多痰聲、又咳又氣促，唔太肯飲奶，所以去左仁安睇兒科醫生，再轉介到威爾斯入院！
醫生見佢呼吸唔順，加上又唔知咩病，
於是決定禁止飲奶，吊住鹽水維持生命～
期間要打2種抗生素，並且每次打完都要抽血，以檢查住小小肝腎頂唔頂到！
當晚細佬安排住嘅病房，家長並不能陪同，
亦唔可以抱出暖箱呵呵細佬，
細佬因爲冇得飲奶又冇安全感嘅情況下，
不斷狂喊，喊到個咀仔紫哂～
因為細佬係初生BB, 暫時只睇到影，見到咁嘅情況，我忍住眼淚💧，只能用聲音同佢打氣，希望佢唔好咁驚，之後醫生安排抽脊髓液，加上探病時間已過，所以只好回家等消息！
星期二上午，細佬仍然要禁止飲奶，同唔可以抱佢，所以都係喊得好慘好慘～～我成個人心痛到爆炸，不過都忍住唔喊，同細佬加油！之後夜晚收到醫院電話📞，通知細佬中左rsv病毒，要轉去隔離病房同繼續禁奶！內心一沉，最擔心出現併發症～當晚獲准留宿陪細佬，當細佬驚個陣，我都可以隨時呵佢！
星期三早上，醫生黎睇細佬，覺得情況理想，可以嘗試飲奶啦！不過2日冇飲奶，細佬都比較累，飲少左好多奶就訓著～～
下午醫生再黎睇細佬，覺得情況穩定，問我想唔想返屋企休息一日，明早再返醫院報到！我當下即時say yesssss!!! 返屋企幾時都最好！
星期四早上返醫院報到，醫生檢查完，覺得細佬個肺冇雜音、冇燒、飲到奶！情況已經ok，當然要細心留意，如果有咩唔妥就即時返醫院！
經過呢幾日，我唔會再抱怨細佬追奶冇得休息，因為可以餵到奶俾細佬，唔係必然，我會好好珍惜，並且要加倍努力💪
#護士叮嚀唔好去人多嘅地方
#今次真係驚到爆炸
#感謝主醫治 #感情弟兄姊妹禱告
#感謝醫護人員細心照顧
Search